在Instagram上落廣告有效乎?

Instagram開始有得賣廣告已經近一個月,要思考的問題是,到底在Instagram上賣廣告是否有用? 目前來說,答案是正面的。按Bloomberg Businessweek 引述數據指出,係Instagram落左Sponsored Post的幾個服裝品牌,其Sponsored Post被like的次數明顯大增,如下圖: 多人like 有甚麼好處? The greater value may come from attracting new followers, each one essentially extending an invitation to the brand to continue advertising directly in a user’s feed. According to Nitrogram, which gathers analytics on Instagram, Michael Kors gained an average of 54,000 followers … …閱讀全文…

股市話俾曼聯迷知,驚都唔洗驚!

作為曼聯迷加上「財經記者」,眼見球隊的聯賽排名用iPhone 5s都睇唔到之際,當然要問下「全能的」投資市場,曼聯前景到底會點。 輸俾西布朗,在第6輪賽事就吃下第3場敗仗,成為近24年來最差的開季成績,聯賽排名更跌落12位,這些前所未見(至少我睇波以來都未見過,我咁後生~)的情況到底會如何反映在曼聯的股價上,要今晚先知(希望到時我有時間update下大家),不過我地可以睇番之前兩場輸波後的股價表現,以前事作鑑。 今季首場財仗出現係9月1日,當日曼聯輸左俾利物浦0-1。輸之前個日(即8月30日),曼聯股價係16.86美元。到9月3日復市,曼聯最低跌過去16.76美元,收市報16.84美元,只係跌左0.1%,可以話係無反應。的確,輸一場半場無咩大不了~ 到左9月22日,今次就到左俾同市對手曼城大炒1-4,曼聯踢得幾差唔洗我再多講 (上網一Search就大把),而呢場波亦開始令投資者憂心啦。賽前(9月20日),曼聯股價係17.55美元。23日復市,曼聯收報17.3美元,足足跌左1.4%,跌幅勁過上次!無他的,明眼人都覺得莫耶斯真係見晒底,輸埋西布朗呢場,重點叫人有信心,所以今晚股價都係跌嘅多。 曼聯迷係咪應該好擔心,係股價的表現看來,反而唔覺得要太擔心。你睇下,由輸俾利物浦之後,到對曼城之前,曼聯股價係升左4.21%的。而係曼城個場之後,股價一樣有反彈,至上星期五彈左1.79%。因為戰績好反彈?可能啦,不過我話係有個對股價不明朗因素有機會消除帶動就真。 我講緊就係莫耶斯呢個不明朗因素啦!事實上市場從不看好佢會為曼聯帶來好成績,公布佢上任曼聯個日股價就曾一度跌5%。到左今日,累績跌幅都重有成4.5%(上圖)。咁點解佢帶曼聯輸得多左,股價水平反而升左?我相信同呢個賠率愈來愈低有關。 依家莫耶斯成為下個被炒的英超領隊的賠率最低只有14倍,睇黎重會愈來愈低。係咁嘅前題下,曼聯股價今晚就算係跌,好快會重上升軌的!曼迷唔好太擔心啦。 (遊戲文章,唔好太認真,更唔好當係投資建議!)

Debt Ceiling做咩事~

除非今晚有突破性發展,未來兩日財經世界的走勢都會被Debt Ceiling (債務上限)呢件事左右。(當然,意大利貝老的同黨集體辭職都會左右大市啦,不過重心都係美帝會唔會違約呢件事)。各大「財經」版都在過去一星期對Debt ceiling有適量的報道,不過由於版位有限,加上美國的政治好複雜及事情發展得好急 (當然重有寫手的「我寫得詳,讀者都唔會明啦」的心態),令大部份報道都係集中於個別大事件上。 本著網上版位無限,你鐘意睇就睇,唔睇就算數的心態,我就大膽從美國的媒體為大家整合一下報道,等大家睇得明D。 首先,基本知識,美國國會分成House (眾議院) 同Senate (參議院)兩部份,House就由共和黨控制﹐Senate就由民主黨控制,形成政治兩極化 (polarization)的形勢。由於提高Debt Ceiling的法案需要係House及Senate同獲通過才可以執行,亦由於美國政府的財政年度會係10月1日開始,無法提高Debt ceiling新朌財年就唔會有錢俾政府繼續運作,政府會先在10月1日開始出現所謂Shutdown 的情況,而財政部亦預計,到左10月7日,就會可能出現美國無力還債的情況。 因此共和黨就把握機會,利用「美國政府Shutdown 同違約」作為「人質」,希望迫奧巴馬同民主黨放棄它們近年的重要政績﹣﹣﹣Obamacare (醫改法案)。奧巴馬一直姿態強硬,多次重申唔會同共和黨談判,並強調唔應該用美國政府的信用作為談判籌碼。不過共和黨就當然唔理佢,(House  Speaker John Boehner重整左條片,諷刺奧巴馬寧願同普京談判都唔同佢地談判,如下)係21日House 就通過左一個提高Debt Ceiling的法案,但當然包含停止對Obamacare撥款的條款。 當House通過左個法案,就會交俾Senate討論。由於Senate係由民主黨控制,當然唔會俾Obamacare停止撥款呢類條款出現啦。雖然共和黨明白呢個事實,但為左令事情更具戲劇性同吸引更多美國人留意,共和黨就出動佢地係Senate反對Obamacare的代表Ted Cruz議員發動「拉布」,一個棟左係度講足21個鐘零19分鐘(當中有不少精彩地方,例如朗頌下Dr. Seuss呢本兒童故事,如下)。 (上圖呢兩個係Ted Cruz個女,聽緊佢係度朗頌Dr.Seuss)   但最後,Senate係美國時間星期五下午,通過左一個新的提高Debt Ceiling 法案,內容梗係無左停止向Obamacare撥款呢件事啦。修改過嘅法案,就會發還House重議。 而最新消息就係,共和黨提出左一個「讓步方案」,將停止向Obamacare撥款的條款,改為延遲推行Obamacare一年。呢個新嘅法案已經係美國時間星期日清晨通過左,預期星期一就會番去Senate再議。 不過,民主黨係Senate嘅代表一早就講明,唔會通過任何延遲推行Obamacare嘅法案,好大機會係星期一Senate會再修訂法案,將佢變番完全唔影響Obamacare的版本,再發回House。由於星期一已經係30日,係咁發來發去會浪費唔少時間,可唔可以趕係10月1日呢個死線前過到,真係好睇兩黨點玩落去。 我唔係財演,唔打算做預估,但希望大家可以明白呢件事發展多少少。

自由行救左我地?

這是個無聊的創作故事。 有一個朋友,2003年的時候家裏很窮,當時屋企的門開了一間麥當勞,他見可以省錢又方便,因此決定每天都食麥當勞的超值套餐。如是者,一食就九年。 這九年來,他成功憑藉省食儲到一定的金錢。但由今年初開始,他的胃毛病多了,令他意識到終日只吃麥記,長遠對身體無益,因此他下了個重要的決定— 開始少食麥記。慢慢地,他體會到擺脫麥當勞,改變生活習慣是有益的。他甚至開始以自身經驗告誡朋友,麥當勞不可以食太多。誰會料到,這行為竟會有人看不過眼來。那人不是別人,就是麥當勞叔叔。 有一天,麥當勞叔叔在南華日報寫道: 「作為你多年來的衣食父母,我必須指出,你的行為是不負責任。多年來,没了超值套餐,你會有溫飽嗎? 你知道你每天食的漢堡包是哪裡來的? 誰都清楚知道,人不可不進食一星期,否則是會死掉的,因此停食超值套餐是蠢人的選擇。選擇對自己建康于不利的選擇,是不合情理的。 過去九年,我們之間亦建立了長遠穩定的關係。所有破壞這關係的想法,對你自身都是害多於益。我明白過去進食超值套餐期間,你身體曾出現微不足道的負面影響。但我重申,進食是長遠對健康最為重要的一環,所以你應該包容所有負面影響,明確認清真正對自己有利的選擇。其間,為了減輕對你的壞影,我已經責成漢堡神偷,在超值套餐加入沙律作為選擇。今後,你只要加$12.98,就可以由配薯條轉成沙律,相信可以完全回應你的訴求。 我再重申,我們應著眼我們過去九年的密切關係,將維持雙方關系作為首要目標。最後,如果你堅持不按照以往的方式光顧麥當勞,我方不排除取消超值套餐的可能,到時你會將會後悔莫及。」 請明白,這個無聊的故事只想帶出一個道理,任何交易都是兩方有利(Mutually beneficial) 的,只有白痴才會將交易說成關照。做自由行生意,是出服務換錢,與買麥當勞食(出錢換漢堡包) ,是基本上是相同的。如我不會因為麥當勞包而放棄對自己的生活的自主能力,我亦不想因為做你的生意而失去生活的自主性。再者,我食麥當勞得到溫飽,不代表我不食麥當勞就不會再飽。沒了內地的「支持」,本港經濟會有震盪及改變,但我相信我們仍能生存。 最後,其實如果你不認同我不愛你的行為,你都可以放棄我的,不一定要我放棄你的。

面對額外印花稅 你歡呼甚麼?

  筆者早幾天撰文,力陳額外印花稅(SSD)當中可能有的含意。文中推論,SSD可能意味政府未來六會將樓價穏持在現水平,將會深化中下層市民買樓的難度。觀乎主流對SSD的看法,仍是認為SSD是個利民政策,特別是能夠打擊炒家更令人拍案叫絕,因為他們都是「抵X死」的。個人對以上論述沒異議,但想再探討一下上回的論述。 「成功打擊炒家,穩定樓市」成為主流的口號式勝利宣言,林本利博士亦有論: 「若非政府兩年前開徵額外印花稅,恐怕樓價不會回順多個月,早已上升至現時水平。」請大家停一停,諗一諗,樓市的核心問題是: 太多炒家? 樓價升得太快? 還是樓價太高? 我相信你會同意樓價太高,越來越多人買不起樓才是核心問題,亦就是財政司口中的「樓價與市民的經濟能力脫節」問題。那請你明白,一再深化推SSD,就有如醫生只對一名肺炎病人開退燒藥就對希望醫好他。樓市升得太快,是病徵,不是病因呢。只治病徵,就只有減痛的效果,但下再重的退燒藥,病人仍好可能會死。 林本利博士說「買樓置業,是一生人的重大投資,若非準備未來兩三年繼續持有,有足夠流動現金應付家庭經濟狀況逆轉,入市時實應三思。」林榑士是個好人,但他的個忠告正好點出問題所在: 能買樓的只有所謂的「真正用家」,一個付得出起碼三百萬按揭仍會有「有足夠流動現金應付家庭經濟狀況逆轉」的人,收入少一點,浮動一點,請你明白,樓不是你買的。 更甚者,政府可能要為SSD政策,將樓價定在現水平六年,就是說中下層人仕買不起樓的問題,將會延長六年,但「人生有幾多個十年呢?」。 SSD一再加重負資產的風險,令置業人仕的儲蓄負擔上升,同時將有更多人不合適買樓。我不反對額外印花稅可以短線壓住樓市,我只望大家停止為這政策歡呼。問題,遠未到解決的地步。

對SSD深化之含意的猜想

我對深化了的SSD是憂慮的。局長們告訴我們,這個新措施是為了令樓市更健康發展。我好擔心,他們給我的所謂健康,我半點都看不出健康在哪。 我同意新的SSD可以在短線壓低樓價,因為短期內需求會下降。原因是直接的,一來所謂的炒家少了(當然早就已經少了好多),二來用家都會更謹慎。未來三年,假設樓價不變,將樓賣出去會蝕SSD,最少蝕一成,而以純用家角度看,難以相信樓價有再升的空間。例子就是屯門樓現賣一萬多一呎,如果是個純用家,它那裏值更高的價錢。而對買家來說,更大問題是市場流動性低了,買了有機會放不出,風險太高,買的意欲必會大減。 而中線來說,二手供應會慢慢減少,樓價會回升,這是兩年的經驗。一來,二手樓流入了所謂用家手中,不易再放出來。二來,就算買家想放,但因賣出有可能會蝕SSD,供應仍會受一定限制,情況會一直膠著。樓市就會在供應緊張下,慢慢反覆波動。但若反覆向上,並錄得近兩成升幅的話,屆時供應就會真線上升,樓價再次爆升,這就是近月出現的情況。 不過,最大的問題是SSD背後的含意, 就是未來六年樓市都不會有大跌的空間。首先,不少人買樓都以八至九成按揭供樓的,加上SSD,棟樓大有機會在買的一刻,即成為負資產(假設樓價不變)。那麼就出現一個問題,假如樓價下降了兩成,所謂的用家就大有機會面對近三至四成的負資產情況。當然,供得起時,負資產根本不是問題。但這是一個很危險的情況,誰可以保證經濟未來五年不會向下,失業率不會大幅上升? 那麼,政府就需要在未來近五年,保持樓價在現水平,為新買家保持一個buffer。 始終,我相信政府現在成功將所有買家列為「用家」,如果將「用家」推到負資產水平,更出現「用家」因SSD推出而破產,燒炭,那怕只是一個人自殺,這都是沒政治人能頂得住的政治核彈。因此這政策的深化,象徵政府會把現樓價水平定為「類健康水平」,重點不是推低樓價,而是將它固定在現水平,在未來六年(三年SSD推行期加上三年有效期)。但相信你都會同意,這樣的「健康水平」,半點都不健康。 我相信,一再加大SSD,能買樓的多只會是不怕SSD的人。這些人有兩種,一部份可能是長期有極穩定工作的真正用家,二就是有錢及有好多資產的人。我相信,樓房可以把下游社會階層帶向較上層的能力將進一步失去,下層朋友就只能留在下層了,買樓仍然未輪到你。