Forbes全球最值錢足球隊係…(另加大量足球收入數據)

Forbes總結了2016年全球最值錢的足球隊,皇家馬德里繼續排行第一,第二則是巴塞,第三為曼聯。 除了簡單的排名外,文中亦有不少有關足球隊收入數據值得一看。例如全球五份最貴本土電視轉播協議中,每年價值26億美元的英超只為第二,第一為每年價值66.8億美元的NFL協議。而在足球界第二大協議,為意甲的每年10.8億美元,西甲只排第三。 從球衣贊助賺得最多足球隊則為皇馬,第二則為曼聯,難怪曼聯的業績仍然可以這樣好。 而2014-15球季從電視轉播協議中賺得最多錢的足球隊為巴塞,第二皇馬,期後16隊都是英超球隊,可以見到英超的集體出售轉播權的方法多厲害,可以上季令將近降班的李斯特城賺得多過去季意甲冠軍祖雲達斯。

第四都無又如何? 曼聯上季收入升30%

曼聯公佈財年第三季(1月1日至3月31日)業績,按年收入大升30%,並扭虧為盈,由去年同期的290萬鎊虧蝕變成今年的1370萬鎊盈利。 業務分項中,商業收入(包括球衣銷售及贊助費收入)按年大升37.7%至6580萬鎊,這要多得去年八月開始的Adidas每年7500萬鎊贊助。而轉播費收入則按年升28.1%至2780萬鎊,主要受今季有歐霸盃比賽的轉播收入帶動。而包括門票收入的比賽日收入,亦多得今年多了兩場歐霸主場賽事,故按年升16.9%至2980萬鎊。 但在薪酬開支方面,按年錄得12%的上升,主要因為參加歐聯的球季會令球員的年薪上升,加上球員續約開支所致。

曼聯發業績 預今季收入大跌

  #454484488 / gettyimages.com 曼聯今日公佈業績(曼聯是美國紐交所上市公司),並公佈由7月1號開始的新財年展望。曼聯預計來年的收入為3.85-3.95億英鎊,大幅低於剛在六月完結的一年,其所錄得的4.33億英鎊收入,跌幅將超過一成。 而盈利方面,以EBITDA計算(即除去利息及稅項開支、折舊及攤分開支前的盈利,可簡單理解為經營所得盈利)去年的盈利為1.3億英鎊,今年的預測則降至9000萬至9500萬鎊。 當然,誠如曼聯副主席Ed Woodward 在發布中所述,去年的收入及EBITDA都為破紀錄新高。所以在球隊成績不濟,無法打入歐聯的前提下盈利及收入回落仍算正常。而Woodward又特別指:「在雲高爾的帶領下,加上球會最近簽下大量世界頂級球星,我對球會前景相當樂觀。」 #454494408 / gettyimages.com 但曼聯的營運不無隱憂。按業績公布,去年度的僱員薪酬開支為2.14億鎊,按年增19%!另一個問題,是上述的盈利預測可能是過度樂觀的。按Financial Times報道,Woodward在電話業績會議中解釋,來年盈利預測是假設球會今季球會能最少以英超第三名完成賽季,同時又假設球會在冬季轉會窗不會大手再買人。 作為曼迷,我實在講唔出到底這個預測是合理或是太樂觀。

股市話俾曼聯迷知,驚都唔洗驚!

作為曼聯迷加上「財經記者」,眼見球隊的聯賽排名用iPhone 5s都睇唔到之際,當然要問下「全能的」投資市場,曼聯前景到底會點。 輸俾西布朗,在第6輪賽事就吃下第3場敗仗,成為近24年來最差的開季成績,聯賽排名更跌落12位,這些前所未見(至少我睇波以來都未見過,我咁後生~)的情況到底會如何反映在曼聯的股價上,要今晚先知(希望到時我有時間update下大家),不過我地可以睇番之前兩場輸波後的股價表現,以前事作鑑。 今季首場財仗出現係9月1日,當日曼聯輸左俾利物浦0-1。輸之前個日(即8月30日),曼聯股價係16.86美元。到9月3日復市,曼聯最低跌過去16.76美元,收市報16.84美元,只係跌左0.1%,可以話係無反應。的確,輸一場半場無咩大不了~ 到左9月22日,今次就到左俾同市對手曼城大炒1-4,曼聯踢得幾差唔洗我再多講 (上網一Search就大把),而呢場波亦開始令投資者憂心啦。賽前(9月20日),曼聯股價係17.55美元。23日復市,曼聯收報17.3美元,足足跌左1.4%,跌幅勁過上次!無他的,明眼人都覺得莫耶斯真係見晒底,輸埋西布朗呢場,重點叫人有信心,所以今晚股價都係跌嘅多。 曼聯迷係咪應該好擔心,係股價的表現看來,反而唔覺得要太擔心。你睇下,由輸俾利物浦之後,到對曼城之前,曼聯股價係升左4.21%的。而係曼城個場之後,股價一樣有反彈,至上星期五彈左1.79%。因為戰績好反彈?可能啦,不過我話係有個對股價不明朗因素有機會消除帶動就真。 我講緊就係莫耶斯呢個不明朗因素啦!事實上市場從不看好佢會為曼聯帶來好成績,公布佢上任曼聯個日股價就曾一度跌5%。到左今日,累績跌幅都重有成4.5%(上圖)。咁點解佢帶曼聯輸得多左,股價水平反而升左?我相信同呢個賠率愈來愈低有關。 依家莫耶斯成為下個被炒的英超領隊的賠率最低只有14倍,睇黎重會愈來愈低。係咁嘅前題下,曼聯股價今晚就算係跌,好快會重上升軌的!曼迷唔好太擔心啦。 (遊戲文章,唔好太認真,更唔好當係投資建議!)