Burger King打印度市場 靠網上賣包?

印度絕對係近期最值得留意的投資市場,唔只係股票金融層面上的投資,實體經濟投資都係好令人有憧憬,大型企業「入印」,更係莫迪當選印度總理後,成為經濟新聞常見的報道。 #488545555 / gettyimages.com 最新近想攻入印度市場的就係Burger King,路透報道就指Burger King 將會係未來60至90日係印度開12間分店,而第一間分店將會係週日(11月9日)開幕。Burger King 印度行政總裁Rajeev Varman 就話,印度長綫而言會係全球最大的市場之一,所以Burger King 絕對覺得印度市場會係重大的發展機會。 要留意係印度,牛係被印度教教徒奉為神聖的動物,普遍來講係唔食得的,所以Burger King 都決定唔買牛肉華堡,目前只會有羊肉、雞肉同素食華堡。 你可能覺得,呢啲唔係牛肉做的華堡會唔會好奇怪? 會唔會無人食?唔洗擔心,印度Burger King 係呢個星期已經賣出左540個雞肉華堡、380個羊肉華堡同240個素食華堡。 咪住!上面唔係話第一間分店要星期日先開,點會賣左成1200個包,寫錯啊你? 無寫錯,因為係開張前Burger King 決定係eBay預售華堡,有興趣的食客可以上eBay印度買三款華堡的換領券,每張賣128印度盧比(16港元),而換包時仲可以收到一件t-shirt 做紀念品。 但係有網民擔心,成千個包同一日係同一間鋪換領,會唔會排隊排一日?星期日我地就會知呢個咁正嘅internet marketing campaign o會唔會變成epic fail 啦! Post by Econ記者.

法國銀行界新玩意 -用Twitter「過數」

路透社報道,法國第二大銀行集團Groupe BPCE 將會係本月推出「Tweet 錢」服務。該集團旗下S Money服務的客戶,將可以透過最多140字(母)的Tweet間過數至其他客戶的戶口,為全球首間提供以社交網絡轉帳的零售銀行。但Financial Times的報道指,目前有關服務的細節及詳請,其實未有公布,到底用twitter轉帳時,有關的指令(即係個Tweet)係公開或是Private的,仍是未知之數。 如果大家對這個服務的詳請有興趣,不妨到Groupe BPCE 的S Money 官方網站留下Email Address,以接收相關的最新資訊。(雖然我唔知關香港人咩事,but who knows~) 當然,各西媒都會將這個「破天荒」的Twitter功能同其他Twitter 或Facebook等社交網絡提供的相似功能作比較。例如上月Twitter 亦公布左會開始係美國試驗 “Buy Now” 制(下圖),等Twitter用戶可以直透過指定商戶的Tweet,購買tweet 內提及的產品。 而日本的Rakuten Bank (樂天銀行)8 月 亦公布左一個手機App,可以幫容戶傳錢予佢Facebook Friends list 內的朋友的銀行戶口,而收款戶口更唔一定要係樂天銀行戶口! PS. 不過成件報道最有趣的地方,係呢單實際上是「Old News is so Exciting」。從Groupe BPCE 的相關新聞稿可見,有關的公布其實早在9月11日已經出現(下圖),但唔知點解到尋日路透等英文媒體先報出來。 (這件事引證左睇寰宇膠事錄的重要!?)

Stats of the day – 美國人買書洗費

#149565757 / gettyimages.com 美國統計局: Among different age groups, consumers age 55 to 64 years spent the most ($40.28) on books (not through book clubs) and those under 25 years spent the least ($12.56).   咁到底,係年輕人買少左書? 定係佢地買的書平好多呢?

美國近一成半人口仍活在「貧窮」中

美國統計局公布2013年的貧窮與收入報告,當中最大的著眼點為當局估算的貧窮人口及佔比的數字。 #453989470 / gettyimages.com 從下圖可見,這兩個數字都係輕微下跌的,但不論佔比及貧窮人口數字都未回到金融海嘯前的水平。   如果將數字以年齡分類計,當中65歲及以上的貧窮佔比輕微上升,而同18歲以下的組別中,「窮人」佔比則顯著下跌,至19.9%。   若按種族膚色作區分,黑人的窮人佔比仍維持在27%左右,而拉丁裔人仕比率則顯著回落,至23.5%。但值得留意的是兩者的「窮人比例」,都仍較白人相同比例高一倍。   Source: BusinessInsider

曼聯發業績 預今季收入大跌

  #454484488 / gettyimages.com 曼聯今日公佈業績(曼聯是美國紐交所上市公司),並公佈由7月1號開始的新財年展望。曼聯預計來年的收入為3.85-3.95億英鎊,大幅低於剛在六月完結的一年,其所錄得的4.33億英鎊收入,跌幅將超過一成。 而盈利方面,以EBITDA計算(即除去利息及稅項開支、折舊及攤分開支前的盈利,可簡單理解為經營所得盈利)去年的盈利為1.3億英鎊,今年的預測則降至9000萬至9500萬鎊。 當然,誠如曼聯副主席Ed Woodward 在發布中所述,去年的收入及EBITDA都為破紀錄新高。所以在球隊成績不濟,無法打入歐聯的前提下盈利及收入回落仍算正常。而Woodward又特別指:「在雲高爾的帶領下,加上球會最近簽下大量世界頂級球星,我對球會前景相當樂觀。」 #454494408 / gettyimages.com 但曼聯的營運不無隱憂。按業績公布,去年度的僱員薪酬開支為2.14億鎊,按年增19%!另一個問題,是上述的盈利預測可能是過度樂觀的。按Financial Times報道,Woodward在電話業績會議中解釋,來年盈利預測是假設球會今季球會能最少以英超第三名完成賽季,同時又假設球會在冬季轉會窗不會大手再買人。 作為曼迷,我實在講唔出到底這個預測是合理或是太樂觀。

求婚最佳時機? 鑽石價4年新低

#183950144 / gettyimages.com 按Financial Times的報道,鑽石價格已經跌至2010年5月以來的新低。 這是按Rapaport Diamond Trade Index 所得出的推算,這指數會計算高質素一卡鑽石的平均售價,從而得出鑽石價格走勢的趨向。最新公布的一卡鑽石平均售價為7737美元,大幅低於2011年中的高位11157美元。 FT 指鑽石價格下跌的主因,是新興市場的經濟增長放慢所致,特別是中國同印度的經濟高速增長不再,為當中主因。事關兩國為新興市場「新世代中產人仕」的主要出產地,2011年前就是因為他們的「閒錢」突然增加,成功推動一眾貴價品的價格。但自從習總上場打貪,鑽石一眾貴價品的價格就持續下跌。